అవినీతి ఏ రీతిగా ఖ్యాతి గడిస్తుందో చూస్తున్నారుగా. మన ప్రతినిధిగా ఎన్నుకున్న నాయకులు మన పాలిట వినాయకులుగా  మారి నల్ల ధనం సంపాదన లో మునిగి తేలుతున్నారు. దీనికి బాధ్యత మనదే. ఎందుకంటే వారిని ఎన్నుకుంది మనమే కదా. మనం నిజాయితీగా మన వోటు ను వినియోగించుకుని అర్హులను ఎన్నుకుంటే ఈ అక్రమాలు జరగవని నా అభిప్రాయం. ఎవరికీ వారు నిజాయితీగా వుంటే చాలు. ఏమంటారు?

మన ప్రభుత్వం నల్ల ధనం ఎక్కడ ఏ రూపం లో వుందో తెలుసుకోవాలనుకుంటోంది. మీకు తెలిసిన మార్గాలు వుంటే తెలుపండి.

ఈ బ్లాగ్ చూశాక మీ అభిప్రాయాలు తెలిపితే నాకు సంతోషంగా వుంటుంది. ముందు ముందు మరింత ఉత్సాహంగా మీ ముందు కవితలు ఉంచేందుకు తోడ్పడుతుంది.

ప్రియ నేస్తం!

               నీ హృదయమనే కోవెలలో 

               నా రూపానికి స్థానమున్నదని

               నీ స్నేహమనే బంధనంలో 

               నా హృదయం చిక్కుకున్నదని 

               నాగిని చేసే ఆనంద తాండవం లా

               నీలిమేఘాలలో దోబూచులాడే చందమామలా

               నా మనసు పరవశించి పోతోంది

               నీ పుట్టిన రోజనే ఉత్సవానికి

               నా మనసనే పావురం

               నీ దరికి చేరుకుంది ఎపుడో 

               నా శుభాకాంక్షలు తెలపడానికి

               అంతులేని ఈ ఆనంద క్షణాల్లో 

               దరి చేరలేదని విచారించకు 

               రివ్వున నీముందు వాలిపోవాలని 

               నా మది ఉవ్విళ్ళూరుతోంది. కాని

               నీ చేరువకు రానందుకు 

               నా అపరాధం మన్నిస్తావని ఆశిస్తూ...

                                                              ----కిషన్ 

ఈ కవిత నేను 27-04-1995  తేదీన నా చిన్ననాటి మిత్రుడి పుట్టినరోజు సందర్భంగా వ్రాసుకున్నా. మామూలుగా ఉత్తరం వ్రాద్దమనుకున్నా . అనుకోకుండా రెండు వరుసలకు న అనే అక్షరం వచ్చింది. బాగుందని ప్రతి వరుసను న అక్షరం తో మొదలెట్టి మొత్తం కవిత ను వ్రాశా. ఇది నేను వ్రాసుకున్న మొదటి కవిత. మీ సలహాలు, విమర్శలు ఆశిస్తూ..

                                                                                                                           కిషన్

 

తరతరాల తెలుగు
తరిగిపోని వెలుగు
కనకమంటి తెలుగు
కమ్మనైన పెరుగు
మధురమైన తెలుగు
మదినిండా కొలువు

తెలుగు భాషను ప్రేమించు
తెలుగు జాతిని గౌరవించు
తెలుగు వాడినని గర్వించు
తెలుగువారిని  ఆదరించు
తెలుగులోనూ భాషించు
తెలుగు విలువను గుర్తించు
తెలుగు భాషను నేర్పించు
తెలుగు జాతిని రక్షించు
తెలుగు కోసం ప్రాణమిచ్చి 
తెగువ చూపిన 
త్యాగమూర్తుల కీర్తించు

మన్నించాలి. మీరన్నట్లు నేను శీర్షిక పేరును తెలుగు లో వ్రాసేందుకు ప్రయత్నించా. కాని వీలు కాలేదు. అంతర్జాల ప్రపంచం లోకి ఈమధ్యే అడుగెట్టా. అందుకే ఈ పొరపాటు. మీ అభిప్రాయం  చదివి చాలా సంతోషించా. ఇకపై కూడా నా పొరపాట్లను నాకు తెలియజేస్తారని ఆశిస్తున్నా . ఇంతవరకు నా మిత్రులు ఎవరూ వారి అభిప్రాయం పంపలేదు. కాని పెద్దవారు మీరు పంపినందుకే ఈ ఆనందం.ధన్యవాదములు.